Өскен өңір Osken-onir.kz ақпараттық агенттігі
» » ӘУЕСҚОЙЛАР ЛИГАСЫ ЖАЗҒЫ МАУСЫМДЫ АЯҚТАДЫ

ӘУЕСҚОЙЛАР ЛИГАСЫ ЖАЗҒЫ МАУСЫМДЫ АЯҚТАДЫ

Жұма күні Шиелі аудандық әуесқойлар футбол лигасы жазғы маусымын қорытындылады. Аудандық мәдениет үйінде өткен шараға жүлдегер ойыншылармен қатар аудандық мәслихат хатшысы Тұрмағанбет Жағыпбаров, дене шынықтыру және спорт бөлімінің басшысы Нариман ­Сапарбай және облыс әуесқойлар лигасының директоры Берік Ермағанбетов қатысты.
Алғаш болып сөз алған аудандық мәслихат хатшысы Тұрмағанбет Жағыпбаров әуесқой аяқ допшыларға сәттілік тілесе, әуесқойлар лигасының директоры Берік Ермғанбетов шиелілік футболшылардың республикалық турнирлердегі жетістігін атап өтті. Ал шара соңында лига қатысушылары жүлделі орындармен марапатталды. Сондай-ақ жиында футбол ардагері Нұрмағанбет Сақиұлына шапан жабылып, алғыс хат табысталды.
Лига қорытындысы бойынша алтын жүлдені «Рай Шиелі» командасы жеңіп алса, күміс жүлдені «Ру-6», қола медальды «Шиелі РУ-6» командасы місе тұтты.
Лиганың үздік ойыншылар қатарынан қақпашы Батырхан ­Усенбаев, қорғаушы Досхан Әділхан, шабуылшы Мағжан Жахмур, үздік сұрмерген Исатай Қалмырзаев, үздік ойыншы Еркебұлан Қалдыбековтер көрінді.

«Өскен өңір» ақпарат
02 қараша 2022 ж. 409 0