Мониторинг жұмыстары барысында мобильді топ өкілдері кәсіпкерлерге түсіндірме жұмыстарын жүргізіп, шекті бағасы бар азық-түлік бағаларын негізсіз қымбаттатқан жағдайда кәсіпкердің өзіне шара көрілетіндігін ескертті. Сондай-ақ жанар май құю бекеттерінде дизель отынының барлық бекеттерде тапшылығы бар екендігі анықталды. Кейбір бекеттерде талонмен ғана сатылымда бар. Жанар-жағар май бекеттерінде АИ-92/93 маркалы бензин бағасы тиісті құзырлы органдарға берген баға мәліметтеріне сәйкес емес. Жалпы дәріханаларда дәрі-дәрмектердің бағасы қалыпты, алайда кейбір дәрілерге тапшылық байқалды. Дәрі бағаларының шарықтау деңгейін, сатып алынған дәрі-дәрмекке чек берілуін және дәрі-дәрмек бағаларының мемлекет бекіткен баға тұрақтылығы мен халыққа қолжетімділігі бойынша түсіндірме жұмыстары жүргізілді.