Ғалымдардың айтуынша, D дәруменінің жеткіліксіздігі - ұйқысыздықтың ең жиі кездесетін себебі. Бұл туралы "Московский комсомолец" басылымы жазды, деп хабарлайды Stan.kz ақпарат агенттігі. 

Мамандар сегіз апта бойы 20-50 жас аралығындағы адамдарды екі топқа бөліп бақылаған. Бір топқа күнделікті 3500 МЕ (халықаралық бірлік) көлемінде D дәруменін беріп отырса, екінші топқа бермеген. Зерттеу нәтижесі бойынша, дәрумен қабылдаған бірінші топ өкілдері өзгелермен салыстырғанда бір сағатқа артық ұйықтап, өздерін жақсы сезінген. 

• Қандай өнімдер ұйқысыздыққа шалдықтыруы мүмкін – Диетолог жауап берді
• Екі минут ішінде ұйықтауға болатын әдіс анықталды

Ұйқысыздықтың салдары артық салмақ қосуға, көңіл-күйдің түсуіне, тіпті күйзелістің пайда болуына апаруы мүмкін. Сондықтан мамандар ағзадағы D дәруменінің мөлшерін қадағалап, уақытылы ұйықтауға кеңес береді. D дәруменін балық майынан, сары майдан, ірімшіктің қатты түрлері мен майлы балықтан алуға болады. 


​https://stan.kz​​​