Өскен өңір Osken-onir.kz ақпараттық агенттігі
» » Қазақстанда Еңбек күні атап өтіледі

Қазақстанда Еңбек күні атап өтіледі

Бүгін, қыркүйектің соңғы жексенбісінде Қазақстанда Еңбек күні атап өтіледі, деп хабарлайды Egemen.kz.
Еңбек күні Қазақстан Республикасы Президентінің Жарлығымен 2013 жылғы қарашада жұмысшы мамандықтарына құрмет көрсету дәстүрлерін жаңғырту және ерте жастан еңбектің маңыздылығын түсіну мақсатында бекітілді.
Бұл күнді мерекелеудің негізгі мақсаты өнімді еңбекті ынталандыру, жастар арасында жұмысшы мамандықтарды насихаттау және Президенттің Жалпыға ортақ еңбек қоғамын құру жөніндегі идеясы шеңберінде жұмысшы әулеттерінің көпжылдық дәстүрлерін нығайту болып табылады.
Қазақстанда осы күннен бастап «Еңбек ардагері» медалі, ең жоғары дәрежелі ерекшелік белгісі - «Қазақстанның Еңбек Ері» (Герой труда Казахстана) сияқты марапаттар тағайындалды. Мұндай шешім қазақстандық қоғамдағы еңбек адамының беделін арттыру мақсатында қабылданды.
«Еңбек ардагері» медалімен экономиканың әртүрлі салаларының қызметкерлері және жалпы жұмыс өтілі 40 жылдан астам, оның ішінде кемінде 10 жыл бір салада жұмыс істеген, сондай-ақ еңбек қызметінде ең жоғары нәтижелерге қол жеткізген зейнеткерлік жасқа жеткен адамдар наградталады.
«Қазақстанның Еңбек Ері» жоғары дәрежесі Қазақстан Республикасының экономикалық және әлеуметтік-гуманитарлық дамуындағы аса үздік жетістіктері үшін беріледі. «Қазақстанның Еңбек Ері» атағына ие болған адамдарға айрықша ерекшелік белгісі – Алтын жұлдыз және «Отан» ордені тапсырылады.

https://egemen.kz​​​
26 қыркүйек 2021 ж. 388 0