Биылғы жылы еліміздің бірқатар өңірлерінде жауын-шашынның аз түсуі және су тапшылығына байланысты қуаңшылық орын алып, төтенше жағдай жариялануда. Біздің облыстың батыс аудандары да осындай қиын жағдайға тап болуда.
Шиелі аудандық ішкі саясат бөлімі Жастар ресурстық орталығы, Ақмая ауылдық округінің ұйымдастыруымен "Ақмая" егіс алқабында ерікті жастар және "Жасыл ел"еңбек жасағының сарбаздары бірлесіп қысқы мал азығын жинауға көмектесті.
Жиналған шөптер әлеуметтік аз қамтылған тұрмысы төмен отбасыларға үлестірілетін болады.
Осындай игі істер ауданымыздың өзге де ауылдық округтерінде, шаруа қожалықтармен бірлесіп ұйымдастырылуда.
Сауапты игі іске барша ауданның ерікті жастарын қосылуға шақырамыз!