Ұлыстың ұлы күні Наурыз мейрамына арналған «Наурыз-думан» атты салтанатты шара Б.Қабылұлы атындағы аудандық мәдениет үйінде өтті.

Мерекелік шарада аудан өнерпаздары сахналық көрініс арқылы жаңа жылдың басталғанын айшықтайтын, ұлттық салт-дәстүрді дәріптейтін көріністер көрсетіп, әншілер ән салып, дәстүрлі рәсім Наурыз бабаның батасымен басталды.

Шарада аудан әкімі Қ.Мүбараков аудан халқын Наурыз мерекесімен құттықтап, наурыздың елге, әрбір отбасыға ырыс-берекесімен келуіне тілектестігін білдірді.

Мәдени шарада "Әжелер ансамблі" орындауындағы әндер көптің көңілінен шығып, мерекелік шара аудан өнерпаздарының ән-шашуына ұласты.