Өскен өңір Шиелi аудандық қоғамдық-саяси газет
» » Жақсы адам ғана жақсы ұстаз бола алады

Жақсы адам ғана жақсы ұстаз бола алады

Күнделікті күйбең тіршілікте өмірдің ағымымен түрлі адамдарды кезіктіреміз. Кейде өзіміз жайлы тым жақсы пікірлер немесе мақтаулар естігенде тәлім-тәрбие берген жандар еріксіз еске түседі. Әсілі, өмір ағымында жас буынға дұрыс жол сілтеу, адамгершілік бағыт-бағдар беру, жақсы қасиеттерді бойына сіңіру кез келген жанның қолынан келе бермейтіні хақ. Осы ой менің де қолыма қалам алғызып, мектеп қабырғасында білім нәрімен сусындатқан ұлағатты ұстазым туралы жазуға итермеледі. Ол бүгінде зейнет жасына шыққан ардагер ұстаз, жүзінен жылылық шашып тұратын асыл ана, ақыл айтар әже, бойындағы азаматтық ақ пейілімен ерекшеленетін Алғабас ауылының зейінді зейнеткерлерінің бірі – Рашай Баймырзаева.
Ол – айдынды Арал өңірінің тумасы. Өмірдің ағымымен Шиелі ауданы, Алғабас ауылына тұрмысқа шығады. Осылайша ұстаздық жолды өңірімізде бас­тап, аянбай тер төгеді. Нәтижесінде 38 жыл бойы Алғабас ауылындағы қазақ орта мектебінде табан аудармастан қызмет істейді. Ұстаздық ұлы жолға қалай келгендегі жөнінде көпжылдық тәжірибесі бар ардагер ұстаз өзі толығырақ тарқатып берді.
– Еңбекке етене араласа бастаған сәттен бастап бұл жолдың оңай емес екендігін сездім. Дегенмен бойымдағы жаңашылдығым, білімге деген құмарлығым, алға ұмтылуым, ерге тән қайсар мінезім менің бойымдағы қорқыныштың сейілуіне себепші болды. Алдыма келген оқушыны бір-бірінен бөлмей, қай-қайсысы болса да, білім мен тәрбиені ұштастырып, бойына дарыту болды мақсатым. Еңбегім еш кетті деп айта алмаймын. Шәкірттерім бүгінгі таңда түрлі мамандықтар бойынша жұмыс істеп жүр. Тіпті, әлі күнге дейін хабарласып, хал-жағдайымды біліп тұратындары бар, – дейді білікті ұстаз.
Айта кетейік, Р.Баймырзаева қазақ тілі мен әдебиеті пәні бойынша сабақ берген. Сондай-ақ кейіпкеріміз өзінің бұлбұл дауысымен көпшілікке танымал. Тіпті қолы қалт етсе, өзі тұратын Алғабас ауылындағы мәдениет үйіне ат басын бұрып, онда болатын жарыстарға белсене араласады. Аудандық жарыстарда да бой көрсетеді. Арасында қоғамдық мәселелерді шешуге де сүбелі үлес қосуда. Шынымен өз ісін, кәсібін сүймейтін, қаламайтын жанның тірлігі тындырымды болмайтыны да, өрге жүзбейтіні де рас. Ал мақаламызға арқау еткен Рашай апай – шәкірттерінің жүрегінен жол тапқан, биік белесті бағындыруына септігін тигізген аяу­­лы жан. Ендеше біз де өз кезегімізде Рашай апайға ғұмырыңыз ұзақ, деніңіз сау болсын демекпіз. Елін сүйген, елі сүйген азаматтар мен азаматшалар көп болғай!

Фариза КЕНЖЕШОВА,
штаттан тыс тілші

08 қаңтар 2021 ж. 91 0

PDF нұсқалар мұрағаты

№6 (8860)

23 қаңтар 2021 ж.

№5 (8859)

19 қаңтар 2021 ж.

№4 (8858)

16 қаңтар 2021 ж.

Жаңалықтар мұрағаты

«    Қаңтар 2021    »
ДсСсСрБсЖмСбЖс
 123
45678910
11121314151617
18192021222324
25262728293031
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам