«Руханиятқа қосқан бір тамшы үлесім болсын» деген ойлы кәсіпкер Нұржігіт Ниязбектің қолдауымен, «Тәуелсіздік – маңдайдағы бағым бұл» тақырыбында облыстық Мәдениет бөлімінің ұйымдастыруымен облыстық жазба ақындар мүшәйрасы өтті. Мүшәйраны қалалық мәдениет және тілдерді дамыту бөлімінің басшысы Мұхтар Ниязов ашып, ақындарға сәттілік тіледі.

Тәуелсіздік тақырыбында қалам тербеген ақындар толассыз жыр шумақтарын жаудырып, залды ерекше патриоттық сезімге бөледі. Жыр додасында бас жүлдені жалағаштық Жасұлан Серік иеленсе, І орынды жерлесіміз Бекжан Ержігіт, ІІ орынды жалағаштық Дидар Өмірзақ, ІІІ орынды қызылордалық ақындар ­Перизат Мұхат пен Рыскелді Жахман өзара бөлісті.