Жиында аудандық сайлау комиссиясының төрағасы «Учаскелік сайлау комисияларының электоратаралық және электораттық кезеңдегі жұмысын ұйымдастыру туралы» баяндама оқып, сайлау науқаны кезінде комиссия мүшелерінің жіберетін қателіктері мен міндеттері жайында сөз қозғады.

Одан соң комиссия мүшелері Ә.Ахметов сайлау комиссиялары мүшелерінің өкілеттігі және құқықтық мәртебесі жайлы айтса, С.Кенжесариев «Учаскелік сайлау комиссияларының орналасуы схемасы, сайлаушылар санын өзектендірудің маңызына тоқталды. Қазақстан Республикасы мәслихаттары депутаттарының сайлауын әзірлеу мен өткізу бойынша учаскелік сайлау комиссияларына арналған әдістемелік құралдың жобасы туралы» баяндама оқыған Т.Бөпежанов кейспен жұмыс істеудің үлгісін көрсетті.

Сондай-ақ сайлау комиссиясының хатшысы Г.Қалмырза қатысушылардың біліктілігін пысықтау мақсатында бірнеше сұрақтардан құралған жазбаша тест алды. Жиын соңында аудандық сайлау комиссиясы төрағасының орынбасары Н.Палымбет семинар-кеңесте айтылған мәселелер бойынша талқылап, комиссия мүшелерінің сұрақтарына жауап берді.

Г.СӘБИТҚЫЗЫ