Өткен аптаның бейсенбі-жұма күндері Төңкеріс, Бәйгеқұм ауылдық округтерінің мәдениет үйлерінде «Дін мен дәстүр» және «Дін Ислам діңгегім» атты аудандық орталық мешіт жамағатымен жүздесу өтті. Аталған шараға елімізге белгілі теолог, Қазақстан Мұсылмандары Діни Басқармасының жанындағы ақпараттық-түсіндіру тобының мүшесі Қабылбек Жұмабаев қатысты. Көпшіліктің діни сауатын арттыруға бағытталған шараны аудандық ішкі саясат бөлімі мен «Сұңқар» әлеуметтік қамқорлық орталығы ұйымдастырды. Жиынға барлығы 500-ге жуық аудан тұрғындары, дін өкілдері, сонымен қатар ардагерлер қатысты. Шара соңында жиналған көпшілік көкейтесті сұрақтарын қойып, мардымды жауап ала білді.

Ф.НЫШАНБЕКҚЫЗЫ