Өткен жұмада халыққа қызмет көрсету орталығы мен аудандық ауруханада тұрғындардың сауатын арттыру мақсатында қабылдау өтті.
Аталған шараны ішкі саясат бөлімі мен «Сұңқар» әлеуметтік қамқорлық орталығы ұйымдастырды. Аудан тұрғындарының құқықтық және құқық бұзушылыққа мүлдем төзбеушілік қағидатын қалыптастыру, сыбайлас жемқорлықтың алдын алу мақсатында өткен жиында білікті заңгер Жандос Бектайұлы сөз сөйледі. Кездесуге аудан әкімдігінің аппарат бөлімі, ішкі саясат бөлімінің қызметкерлері қатысып, құқықтық білімдерін жетілдірді.
Шара соңында аудан тұрғындары сала мамандарына көкейтесті сұрақтарын қойып, ақпарат алмасты.

«Өскен өңір» ақпарат