Сыбайлас жемқорлық – қоғам мен мемлекетті іштей ыдырататын әлеуметтік құбылыс. Бұл құбылыс – тек Қазақстанда ғана емес, әлем бойынша тамырын жайған дерт. Әлемдегі бәсекеге қабілетті озық елдің қатарынан орын алуды мақсат тұтқан мемлекетте дамудың бір бағыты ретінде бармақ басты, көз қыстыға жол бермеуді міндет етіп отыр. Сондықтан еліміздің түкпір-түкпірінде жемқорлық арқылы биікті бағындырмайтындығы насихатталуда. Соның бірі – шілде айының 19 күні өткен «Сыбайлас жемқорлықсыз қоғам» тақырыбындағы кездесу.
Аты аталған кездесуді «Шиелі аудандық ішкі саясат бөлімі» мен «Сұңқар» әлеуметтік қамқорлық орталығы» қоғамдық қоры ұйымдастырды. Іс-шараға аудандық Қорғаныс істері жөніндегі бөлімінің қызметкерлері қатысты. Сонымен қатар кездесуде аудандық ішкі са­ясат бөлімінің жетекші маманы Дінмұхамед Аронұлы мен ішкі істер бөлімінің инспекторлары да болды.

М.Болатқызы