Тәуелсіз елдің бүгінін ертеңге жалғастырар жас жеткіншектердің бәсекеге қабілетті білімді де тәрбиелі болып өсуіне ерекше үлес қосып келе жатқан №252 Г.Ковтунов атындағы мектеп-гимназиясының алар орны ерекше. Өнегелі орда қос ғасырдың алтын көпіріндей қаншама жасқа бастау бұлақ, сара жол, ұрпақтан-ұрпаққа жалғасатын елдік, теңдіктің арнасы болды. Аталған мектепте жуырда «Үш тұғырлы тіл», «Абай – дана, Абай – дара қазақта», «Тілім – тірегім, соғып тұрған жүрегім», «Ана тілім – ата-бабам мұрасы» атты апталық өткізілді. Апталық барысында «Тіл білгірі», «Тіл – асыл ойдың бұлағы», «Білекті бірді жығар, білімді мыңды жығар», «Ана тілі – айбыным» тақырыптарында мәнерлеп оқу сайысы, дөңгелек үстел, көрме, білім сайысы, тәрбие сағаттары ұйымдастырылды. Сондай-ақ оқушылар өнерін ортаға салып, ән айтып, өлең оқып, би биледі. Апталық қорытындысында белсенді қатысқан оқушыларға алғыс хаттар табысталды.