Өткен аптада кенттегі №46 А.Пушкин атындағы мектеп-лицейінде шахматтан жарыс өтті. Аталған шара спорт жанашыры, бірнеше мәрте аудандық, облыстық турнирлердің жеңімпазы Мәлік Шәкірұлын еске алуға арналды. Турнирде аудандық ішкі саясат бөлімінің басшысы Жібек Баймұратова сөз алып, қатысушыларға сәттілік тіледі.

Қызылорда қаласынан және Жаңақорған, Жалағаш, Шиелі аудандарынан 30-ға жуық спортшы қатысты. I орын Жаңақорған ауданынан Әділет Ерсерікке бұйырса, II және III орынды шиелілік спортшылар Болат ­Омаршаев пен Бекболат Мизамбаев иемденді. Барлық қатысушылар арнайы грамоталар мен сыйлықтарға ие болды.

«Өскен өңір» ақпарат