Волейболдан турнир
Өткен аптада Телікөл ауылында спорт мектептері арасындағы облыстық біріншілік өтті. Сайыста 2003-2004 жылы туған жастардан барлығы 18 команда бақ сынады. Бәсекеге толы болған аталмыш турнир бес күнге созылды.
Нәтижесінде ұлдар арасында үздік өнер көрсеткен шиелілік №9 резервтегі мамандандырылған балалар және жасөспірімдер спорт мектебі І орынды жеңіп алса, ІІ орынды Жаңақорған ауданына қарасты Түгіскен ауылы, ІІІ орынды Қызылорда қаласының спортшылары місе тұтты. Ал, қыздар арасынан топ жарып оза шапқан сырдариялық команда І орын, Түгіскен ауылының қыздар командасы ІІ орын, қызылордалық қыздар ІІІ орынды иеленді. Жарыс барысында әдемі ойын өрнегін көрсете білген ойыншылар да марапатқа ие болды.
«Өскен өңір» ақпарат.
