Жаздың соңғы күндері табиғат қандай мінез танытпақ?
24.kz Қазгидромет 27-29 тамызда қазақстандықтарды қандай ауа райы күтіп тұрғанын жариялады.
Оған сәйкес, солтүстік циклонның ықпалынан суық фронттармен батыс, солтүстік, орталық және шығыс облыстарда екпінді жел соғып, найзағай жарқылдап, арты жаңбырға ұласуы мүмкін.
Алдағы тәулікте ауа температурасы төмендейді, бірақ 29 тамызда қайта жоғарылайды деп болжануда.
29 тамызда оңтүстік және оңтүстік-шығыста найзағай ойнап, жаңбыр жаууы ықтимал, мұнда бұрынғыдай ыстық, күндіз термометрдің сынап бағанасы + 28-37°С дейін көтеріледі.