Бұл туралы төтенше жағдайлар министрлігінің ресми өкілі Нұрсұлтан Нұрахмет айтты.

«Қазақстандық альпинистерді құтқару операциясы ауа-райы жақсарғаннан кейін басталады. Қазіргі уақытта Тянь-Шаньның төменгі тауларында жаңбыр жауып, таулы жерлерде қар жауып жатыр. Сонымен бірге қырғыз альпинистерінің тобы бірлескен іздеу жұмыстарына дайындалған», - деді Нұрахмет.

Оның айтуынша, қазақстандық альпинистердің жоғары білікті құтқару тобы Алматы облысындағы Қарқара базалық лагеріне 19 тамыз күні түсте 13.20 шамасында келді. Альпинистерді Қырғызстанға әрі қарай көшіру үшін Ми-171 Казавиаспас бортына дайындалған.

Еске сала кетсек, бұған дейін алматылық екі альпинистің Қырғызстанда Тянь-Шань тауларында қар құрсауында қалып қойғанын хабарлаған едік. Олардың туыстары іздестіруге көмек сұрады. Тау басында қалған альпинистердің жағдайына қатысты СІМ түсініктеме берді.