Жыл сайын тамыз айының үшінші жексенбісінде спортшылар күні мерекесі аталып өтеді. Биыл бұл атаулы күн 18 тамыз, яғни шекарашылар күнімен қатар келіп отыр.

Мерекеге орай Көкшоқыдағы «Арман» мәдениет үйінді салтанатты шара ұйымдастырылды. Аудан әкімі Әшім Оразбекұлы ауданның намысын қорғап, республикалық, халықаралық додаларда топ жарып жүрген аудан спортшыларымен олардың жаттықтырушыларын төл мерекемен құттықтады. Содан соң бірқатар сала мамандарын алғыс хатпен марапаттады.

Салтанатты шара аудан өнерпаздарының концерттік бағдарламасымен жалғасын тапты. Биыл ауданда аталған сала бойынша жетістік мол. Балалардың да дене шынықтыруға қызығушылығы да бұрынғыға қарағанда артқан. Бұған себеп, өңірде үлгі боларлық спортшылардың көбеюі болса керек.

«Өскен өңір» ақпарат