Антитеррористік оқу-жаттығу жиыны өтті

Жұма күні Шиелі ауданының «Арман» мәдениет үйі аумағында терроризм актілерің алдын алуға және оның салдарын жоюға бағытталған жоспарлы антитеррористік оқу-жаттығу жиыны өтті. Осылайша терроризмге қарсы күрес жөніндегі Шиелі аудандық жедел штабы алдына қойған міндеттерді орындау үшін қажетті күш пен құралдардың дайындығын тексеруді жүзеге асырды.
Оқу-жаттығу кезінде құзырлы органдар оқиғаны барлау және бақылау жұмыстарымен қатар оқыс оқиғалар мен төтенше жағдайлардың алдын-алу мақсатында тиісті шараларды қажетті уақытында ұйымдастырды.
Шара барысында аудан тұрғындарына үрей туғызбау үшін дыбыс күшейткіш құрал арқылы түсіндіру жұмыстары жүргізілді.

«Өскен өңір» ақпарат