Отан қорғаушылар Мерекесі қарсаңында аудандағы желілік полиция қызметкерлерімен жедел профилактикалық іс-шара өткізілді.
Шара барысында адамдардың теміржол бойының белгіленбеген жерлерінен өтуін алдын алу, сонымен қатар темір жолда мал жаюға болмайтындығы тұрғындарға ауызша ескертіліп, Қазақстан Республикасының әкімшілік құқық бұзушылық туралы кодексінің 559 бабында көзделген жауапкершіліктерді түсіндіру жұмыстары жүргізілді.
Одан бөлек жыл бойы теміржол аумағында құралдарды және құнды заттарды ұрлау, бағдаршамдарын сындыру деректеріне жол бермеу секілді тәртіпсіздіктерді болдырмау, сонымен қатар жолаушылар поездарының терезелеріне тас лақтырмау, сындырмау бағытында алдын алу жұмыстары үздіксіз жүргізіліп отырады.

«Өскен өңір» ақпарат