ҚР парламентінің сенат депутаттары Қытаймен Хоргос өзенінде «Шұқырбұлақ» (Алмалы) тасқынға қарсы бөгетін серіктестік арқылы тұрғызу туралы үкіметаралық келісімді бекітті. Бұл туралы Sputnik Қазақстанға сілтеме жасап Stan.kz хабарлайды.Екі мемлекет арасындағы келісімге 2017 жылы маусым айында қол қойылған еді. Келісім талаптарына сәйкес, тараптар бірлесе отырып Хоргос өзенінде «Достық» қазақстандық-қытайлық су торабынан 5 шақырым жерде тасқынға қарсы бөгетті тұрғызады. Бұған дейін ҚР ішкі істер министрі Қалмұханбет Қасымов мәлімдегендей, аталған жобаның құны 11,7 миллиард теңгені құрайды.
Бөгет Қазақстан мен Қытайдың теңдей дәрежедегі иелігінде болады. Құрылысты қаржыландыру қос тараптың 50 пайыз үлесі арқылы жүзеге асады.
Stan.kz