Жергілікті тұрғынның бірі өз малын қорғау үшін оның енесін өлтірген. Ал сегіз айлық қонжықты ағашқа таңып тастапты. Әлсіреп қалған жануардың денсаулығын тексерген ветеринарлар оның қатты жараланғанын анықтайды. Тәулік бойы қарауда болған қонжықтың денсаулығы қазір біршама жақсарған. Айта кетейік, көзілдірікті аю – Оңтүстік Американы мекендейтін аю тұқымдасының жалғыз түрі. Жер жүзінде оның 20 мыңы ғана сақталған. Олар Венесуэла, Колумбия, Перу мен Боливия ормандарында кездеседі. Алайда орманды алқаптардың азаюы салдарынан осы аю тұқымы жойылуы мүмкін деген қауіп бар. Оған қоса аюлар браконьерлер мен шаруалардың қолынан жиі мертігетін көрінеді.

www.24.kz