Колумбия астанасы Богота қаласы орхидея гүлдеріне оранды. Мұнда үш күнге жалғасатын көрме ашылды. Шараны тамашалауға тұрғындармен қатар гүл өсірумен айналысатын мамандар көптеп келген. Көрмеде әлемнің түкпір-түкпірінен жеткізілген орхидеяның 3 мыңға жуық түрі жұрт назарына ұсынылды. Негізі Колумбия – орхидея көп өсетін ел. Боготадағы ботаникалық бақтың дерегі бойынша, мұнда осы гүлдің 4 мыңға жуық түрі таралған. Айта кету керек, орхидея – Колумбияның ұлттық рәміздерінің бірі. Оларды шет елге сату арқылы мемлекет қазынасына жыл сайын миллиондаған доллар пайда түседі.
24.kz