БАСПАНА МӘСЕЛЕСІ БАЙЫППЕН ШЕШІЛЕДІ

Өздеріңізге белгілі Қызылорда облысында аймақ тұрғындарын қолжетімді баспанамен қамтамасыз ету бағдарламасы әзірленген болатын. «Орда» тұрғын үй құрылысының жол картасы 3 жылға есептелген. Осылайша әлеуметтік қолдауды қажет ететін тұрғындарға пәтер беру басымдыққа ие. Айта кету керек, соңғы 6 жылда аймақта 2,6 млн. шаршы метр тұрғын үй пайдануға берілген. Бұл жөнінде Қызылорда облысының әкімі Қ.Көшербаев Астана қаласы Орталық коммуникациялар қызметінде ҚР Президентінің Қазақстан халқына Жолдауы аясында Қызылорда облысының 2018 жылдың 9 айдағы әлеуметтік-экономикалық дамуының қорытындыларына арналған баспасөз конференциясында баяндады.