ОБЛЫСТЫҚ «АЛТЫН КҮЗ – 2018» СПАРТАКИАДАСЫ ӨЗ МӘРЕСІНЕ ЖЕТТІ
4-7 қазан аралығында ауыл спортшыларының дәстүрлі «Алтын күз -2018» XXХІІІ облыстық спартакиада өз мәресіне жетті.
Аудандық «Салтанат» сарайында ұйымдастырылған спартакиаданың жабылу салтанатына аудан әкімінің орынбасары Б. Жаниязов қатысып, жиналғандарды құттықтады.
– Еліміз дені сау ұлт ретінде дамуды басты бағыт ретінде таңдады.Спорт – тек салауаттылықтың негізі ғана емес, бірлік пен күш – қайрат, елжандылық салтанат құратын орта. Спорт - мемлекеттің мәртебесін көтеріп, рухын асқақтататын қуатты күш. Бұқаралық спортты дамытуды Елбасы алдымызға мақсат етіп қойды. Дендеріңізге саулық, отбасыларыңызға амандық тілеймін. Жарыстарда тек жеңіс тұғырларынан көрінейік, – деді Бауржан Лепесұлы.
Шиелі ауданында ұйымдастырылған «Алтын күз -2018» XXХІІІ облыстық спартакиадасында спорттың 16 түрінен волейбол, футбол, баскетбол, қол добы, қазақ күресі, тоғызқұмалақ, асық ату, бес асық, шахмат, көкпар, аударыспақ, теңге ілу, гір спорты, қол күрес, үстел тениисі және президенттік көпсайыс бойынша өткізілді.
Спартакиаданың нәтижесі бойынша жалпыкомандалық есепте БІРІНШІ ОРЫНДЫ ШИЕЛІ АУДАНЫ командасы, ЕКІНШІ ОРЫНДЫ ЖАҢАҚОРҒАН АУДАНЫ командасы, жүлделі ҮШІНШІ ОРЫНДЫ ҚАЗАЛЫ АУДАНЫ командасы қанжығасына байлады. Шара соңында барлық қатысушы командалар алғыс хаттармен марапатталып, женімпаздарға дипломдар мен бағалы сыйлықтар табыс етілді.
"Өскен өңір" ақпарат