Аудан әкімі бүлдіршіндерді жаңа жыл мерекесімен құттықтады

Аудандық мәдениет үйінде балаларға арналған аудан әкімінің жаңа жылдық шыршасы өтті. Мерекелік шараға тұрмысы төмен және көпбалалы отбасыларының балалары, барлығы 130-ға жуық жеткіншек қатысты. Балалар шырша айналасында ән айтып, би билеп, жаңа жыл кешінің басты кейіпкерлері Аяз Ата мен Ақшақардың келуін асыға күтті. Аудан әкімі Әшім Оразбекұлы бүлдіршіндерді келе жатқан жаңа жыл мерекесімен құттықтап, үздік оқыған 30 балаға сыйлық ретінде планшет табыс етті. Шара соңында балалар аудан әкімінің ең тәтті сыйлығы торттан ауыз тиді.