Жастар қай заманның болмасын қозғаушы күші. Аудан жастарымен жыл басынан бері бір қатар игі жұмыстар жасалуда. Солардың бірі 13-15 қыркүйек күндері «Сыр ұланы» тынығу лагерінде аудан әкімінің қолдауымен аудандық ішкі саясат бөлімі және «Жастар ресурстық орталығы» КММ-сі, «Береке» жастар қоғамдық бірлестігінің ұйымдастыруымен үш күндік «SHIELIZHASTARCAMP-2018» атты аудан жастарының лагері өтті. 
Лагерге жастар ұйымдарының жетекшілері, жастар комитеттерінің төрағалары, жастар парламентінің депутаттары, ауылдық округтердегі белсенді және жұмыссыз жастар бас қосты. 
Үш күнге созылған лагерде жастарға қатысты семинар тренингтер, бөлім басшыларымен кездесу, жастарға арналған «Тимбилдинг» ойыны, аудан әкімінің орынбасарымен еркін форматты сыр-сұхбат, «Жастар – ел болашағы» тақырыбында түрлі салада жетістікке жеткен лидер жастармен кездесу, интеллектуалды сайыс, облыстық жастар саясаты мәселелері басқармасының басшысы және аудан әкімімен «Лагер алауы» маңында еркін форматта кездесу шарасы өтті. 
Лагер қорытындысы бойынша белсенді қатысқан жастар түрлі номинациялармен марапатталып, барлығына сертификаттар табысталды.

#АУДАНДЫҚІШКІСАЯСАТБӨЛІМІНІҢЖРО