Конституция күніне орай Ақмая ауылдық округі әкімшілік ғимараты бой көтерді. Жаңа ғимарат жергілікті бюджет есебінен жобалық құны 37 млн. 270 мың теңгеге бой көтерді.
Ашылу салтанатында аудан әкімі Әшім Оразбекұлы ауыл тұрғындарын құттықтап, әкім аппараты ұжымы халықтың мұң-мұқтажына құлақ асып, түйінді мәселелердің оңды шешімін табуына ықпал етуі қажеттігін айтты.
Кезекті сөз алған Ақмая ауылдық округінің ардагерлер кеңесінің төрағасы Кенжетай Палмағанбетов алдағы уақытта халықтың көкейкесті мәселелерін шешіп, әкім өз аппаратымен елдің әл-ауқатын арттыру мақсатында жігерлі жұмыс жасай беретініне сенім білдіріп, ауыл халқының атынан облыс және аудан әкіміне ризашылығын білдірді. Елге қызмет етіп жүрген азаматтарға ақ баталарын беріп, жақсы істер жалғасын таба берсін деген тілектерін жеткізді.
Ауданымыздың әкімі Әшім Оразбекұлы жаңа нысанның лентасын қиып, салтанатқа жиналған тұрғындар шашу шашып, заман талабына сай салынған әкімшіліктің ішін аралап шықты.