Жамбыл облысы, Тұрар Рысқұлов ауданына қарасты Рахым Сәбденов ауылында минералды ауызсу шығаратын зауыт іске қосылды, деп хабарлайды Egemen.kz. Тұрар Рысқұлов ауданының әкімі Ернар Есіркеповтің айтуынша, екі кезең бойынша іске асырылған жобаға «Парус-Т» ЖШС 200 млн теңге көлемінде инвестиция салған. Жобаның құрылыс жұмыстары 2023 жылы толығымен аяқталған. Ал осы жылдың басында қытайлық мамандар кәсіпорынды іске қосу бойынша нақты жұмыс атқарған. 

Жауапты мамандардың айтуынша, Тұрар Рысқұлов ауданында жалпы құны 16,1 млрд теңгені құрайтын 20 инвестициялық жоба жүзеге асырылып жатыр. Осы жобалар толыққанды аяқталған кезде ауданда 500 жаңа жұмыс орны құрылмақ.