Кездесуде штаб мүшесі Жібек Баймұратова Мемлекет басшысының «Әділетті Қазақстан: заң мен тәртіп, экономикалық өсім, қоғамдық оптимизм» атты халыққа Жолдауындағы еліміздің әлеуметтік-экономикалық дамуына бағытталған маңызды міндеттерді атап өтті. Соның ішінде халықпен алдын ала талқылаудан өткен Қазақстанда АЭС салу мәселесіне қатысты жалпыұлттық референдум өткізу мәселесіне ерекше тоқталды.

Сондай-ақ, штаб мүшесі Гүлбану Тәжбенова дамушы мемлекеттер үшін маңызды мәселеге айналған электр тапшылығы біздің елде де орын алу қауіпі бар екенін және бүгінгі күні жылу, көмір станцияларынан келетін улы газдардың үлесі 80 пайыздан асып, қоршаған ортаның экологиялық ахуалын үдетіп жатқандығын атап өтті.

Жиында ауыл тұрғындары АЭС бойынша өздерін толғандырған сауалдарын жолдап, штаб мүшелерімен пікір алмасты.