“AMANAT” партиясының бастамасымен ағымдағы жылдың 15 - 25 тамызы аралығында республика бойынша кең көлемде «Баланы мектепке даярлайық!» акциясы бастау алған болатын. Осыған орай, партияның “Бақытты отбасы” жобасы шеңберінде қолға алынып отырған акцияға партияның аудандық филиалы да өз үлесін қосуда. Жаңа оқу жылының қарсаңында Шиелі аудандық партия филиалының «Баланы мектепке даярлайық!» жалпы республикалық қайырымдылық акциясы ұйымдастырылып өткізілді.

Акцияның басты мақсаты – көпбалалы және аз қамтылған отбасы балаларының жаңа оқу жылына 1 қыркүйек күні сабаққа баруына көмектесу болып табылады. Акцияға аудандық партия филиалының атқарушы хатшысы Жібек Орынбайқызы бастауыш партия ұйымдарын қаржыландыруға бөлінген нысаналы трансферттер есебінен 18 оқушыға оқуға керекті құрал-жабдықтар салынған сөмке табыстады. Акция аясында балаларға ыстық ықыласын білдіре отырып, жаңа оқу жылында сәттілік тіледі. Өз кезегінде Акция аясындағы барлық шаралар аудандық фракция мүшелері мен партияластарымыз арасында жалғасатын болады.