Бүгін «AMANAT» партиясының «Бақытты отбасы» партиялық жоба аясындағы дәстүрлі «Баланы мектепке даярлайық!» акциясына облыстық мәслихаттағы «AMANAT» партиясы депутаттық фракциясының мүшесі, «Авангард» Бастауыш партия ұйымының төрағасы, "Ақмая" шаруақожалығының төрағасы Дәулет Жұмбековте үлес қосты. Ол әлеуметтік аз қамтылған және көпбалалы отбасылардың балаларына арнап қаржылай 500 мың теңгені №49 мектебіне табыстады. Сонымен қатар, акция аясында партия филиалының атқарушы хатшысы Жібек Баймұратова және фракция мүшесі Дәулет Жұмбеков балаларға ыстық ықыласын білдіріп, жаңа оқу жылында сәттілік тіледі. Сондай-ақ, 10 оқушыға оқу құрал-жабдықтары салынған мектеп сөмкелерін табыстады. Акцияның басты мақсаты – көпбалалы және аз қамтылған отбасылардағы балаларды жаңа оқу жылына дайындауға көмектесу.