Қазіргі таңда «AMANAT» партиясы Шиелі аудандық филиалына қарасты барлық бастауыш партия ұйымдарының жиналыстары өтуде. Осыған орай, “AMANAT” партиясы Шиелі аудандық филиалының атқарушы хатшысы Жібек Баймұратова партия филиалына қарасты «Атамекен» және «Мейірім» Бастауыш партия ұйымдарының жиналыстарына арнайы қатысты.  Жиналыс барысында атқарушы хатшы Жібек Баймұратова партияның атқарылған жұмыстарын кеңінен жеткізіп және алда тұрған межелі міндеттері жөнінде баяндады. Сонымен қатар, партиялық жобаларға ерекше тоқталып, мақсат-міндеттерін айқындап көрсетті. «Баланы мектепке даярлайық» акциясы аясында бірқатар жұмыстарды тапсырды. Сондай-ақ, жиналыстың күн тәртібіндегі «AMANAT» партиясы Шиелі аудандық филиалының кезектен тыс XLVII (47) - конференциясына делегаттар сайлау туралы мәселесі бойынша делегаттар ұсынылып, партия мүшелерінен қолдау тапты.