Биыл Астанада мемлекеттік-жекеменшік әріптестік аясында студенттерге арналған 6 жатақхана салынады. Бұл хабар педагогтердің 2024 жылғы тамыз форумында белгілі болды, деп жазады Egemen.kz. 2024 жылы елордада 4,5 мың орындық 6 жатақхана салынады. 2025 жылы тағы 2 жатақхананы пайдалануға беру жоспарланған. Астана әкімдігі жатақхана салу үшін тағы 4 университетке жер телімдерін бөлгенін хабарлады. Айта кетейік, осы айда Астана қаласы әкімдігінің фронт-кеңсесінің қолдауымен М.Жұмабаев, 10а мекенжайында 400 орындық жатақхана ашылды.