Кешегі өткен журналистердің кәсіби мерекесі қарсаңында «Өскен өңір» газетінің тілшісі Сұлушаш Мадиярова Қорқыт ата атындағы Қызылорда университетінің басқарма төрағасыректоры Бейбіткүл Каримованың құттықтауымен қатар арнайы сыйлығына ие болды.

Сұлушаш Бахтиярқызы – жеті жылдан бері журналистика саласында еңбек етіп келеді. Биыл сексен беске толған ата басылымда оқырман талғамынан шығатын дүниелерді өндіре жазып, өз шеберлігін көрсете білді. Әр алуан өзекті мәселелерді көтерген өткір мақалалары талғамы биік оқырманды бейжай қалдырмаған-ды. Бұған дейін де еңбегі еленіп түрлі облыстық, аудандық байқауларда топ жарған. Осыдан екі жыл бұрын «Үздік жас журналист» номинациясын да қанжығасына байлады. Осы тұста әріптесімізге әрі қарай да шығармашылық өрлеу тілейміз!

«Өскен өңір» ақпарат