«Бір тал кессең, он тал ек» қағидасын мықтап ұстанған халқымыз үшін тал егу — маңызды істердің бірі. Көктем келіп, күн қыза бастағаннан-ақ ауланы, тоғайлар маңын тазалап, ағаштардың түбін әктеп, күтім жасаған.

Осы орайда, Шиелі ауданы бойынша білім бөліміне қарасты мекеме қызметкерлері мектеп ауласына тал егу жұмыстарының қарқын алуына өз үлестерін қосуда.

Барша жұртты жұ­мылдыратын тал егу жұмысы арқылы балалардың табиғат-анаға, күллі жараты­лысқа деген ықыласын оятып, адам бала­сының табиғатпен үйлесімді түрде дамиты­нын ұғындыру парыз.

Егілген ағаштың, өскен өсімдіктің әуе алабына тигізер пайдасы зор. Жасыл желектің әсерінен ауа тазарады.

Қоршаған ортаны лас ауадан сақтап, қыста қорғаның, жазда көлеңкең болатын, тал шыбықтан бәйтерекке айналатын ағаш – табиғаттың асылы.