Қызылорда облыстық мәслихатының Экономика, әлеуметтік және құқықтық мәселелері жөніндегі тұрақты комиссияның жұмыс жоспарына сәйкес «Облыстағы орта және мектепке дейінгі біліммен қамтамасыз етудің сапасы туралы» мәселелерді қарау үшін құрылған жұмысшы тобы аудан орталығындағы білім беру ұйымдарының жай-күйімен танысты.
Бақылау жүргізу барысында ғимараттардың салынған жылы, техникалық жағдайы, санитарлық-гигиеналық талаптардың сақталуы, тиісті құрал-жабдықтармен қамтамасыз етілуі, бөлінген қаржы мөлшері және игерілуі жайы және басқа да мәселелер жөнінде тексерістер жүргізді.

Облыстық мәслихат депутаты Жангелді Ойшыұлы сөз алып, оқушылардың білім сапасын көтеру және ҰБТ-дан жоғары балл алуға жұмыс жасау керектігін жеткізді. Халық қалаулылары айтылған ұсыныстардың маңыздылығын ескере келе, тиісті салалармен бірге жан - жақты талқылап, шешу жолдарын қарастыратынын айтты.