ШИЕЛІ АУДАНДЫҚ СОТЫНА ЖАҢА СУДЬЯ ТАНЫСТЫРЫЛДЫ
Аудан әкімдігінің мәжіліс залында Шиелі аудан әкімінің орынбасары Алмат Алдабергеновтың қатысуымен жиын өтті. Жиынға аудан әкімдігінен, аудандық полиция бөлімінен және сот саласының ардагерлері мен мамандары қатысты. Бұл келелі басқосуда аудандық соттың су жаңа судьясы таныстырылды. Ол – Исабеков Дархан Қыдырбекұлы.Алғаш болып сөз алған аудан әкімінің орынбасары А.Алдабергенов судьяның өмірбаяны мен еңбек жолына тоқталып жаңа жұмысына сәттілік тіледі.
– Сізді қызметіңізбен құттықтай отырып, бұл қызметке тағайындалуыңызды жоғарғы сот басшылығының жоғарғы сенімі деп білеміз. Сізді заң үстемдігін арттыруда барынша аянбай еңбек етуге үлес қосады деген сенімдеміз, – деді аудан әкімінің орынбасары.
