Осыған орай, «Арман» мәдениет үйінде Ауған соғысында ерлікпен қаза тапқан боздақтарды еске алып, арамызда жүрген ардагерлерді ардақтау мақсатында "Батылдыққа ұмтылу – ұрпақтың парызы!" атты салтанатты шара өткізілді.

Аудандық мәслихат төрағасы А.Жандарбеков жиынды салтанатты түрде ашып, жанын қиып, жат елде қаза тапқан есіл ерлердің ерлігі жайлы сөз етті.

Зұлмат соғыста ерлікпен жан тапсырған ерлерді еске алып, соғыстан елге аман оралған ардагерлер арнайы медальмен марапатталды.