Бүгін кеңес әскерлерінің Ауған жерінен шығарылғанына 34 жыл толуына орай "Ерлік те, Елдік те - Ұрпаққа аманат" атты еске алу митингісі өтті.

Митингіде аудан әкімінің орынбасары Болатбек Ысмағұлов, аудандық ардагерлер кеңесінің төрағасы Өркен Исмаил сөз алып, 1979 жылдың 25 желтоқсанынан 1989 жылдың 15 ақпанына дейін созылған Ауған соғысында жалын жастығын қалдырған азаматтардың ерен ерлігі ешқашан ұмытылмайтынын айтты.

Шара қатысушылары қаза болған батыр ұлдарды 1 минут үнсіздікпен еске алып, құран бағыштады.

Айта кетейік, ауған жеріндегі соғысқа Шиелі ауданынан 50-ден астам азамат қатысып, солардың ішінде шиелілік Жұмат Қалекеев, Мақсұтбек Тоқмағанбетовтер ерлікпен қаза тапты.

Шиелі ауданы әкімдігінің баспасөз қызметі