Осыған орай, жауынгерлік қызметте, қоғамдық тәртіпті сақтауға септігін тигізген әскери қызметшілерді айтулы мерекемен шын жүректен құттықтаймын.

Ұлттық ұлан – мемлекеттің қауіпсіздігін қамтамасыз ететін ұрысқа ең қабілетті құралымдардың бірі. Әскерлер аса маңызды стратегиялық объектілер мен түзеу мекемелерін күзетуді жүзеге асырады. Ішкі істер органдарымен бірге қоғамдық қауіпсіздікті қорғауға елеулі үлес қосуда.

Ата-бабамыз құлан жортса тұяғы тозатын, қыран ұшса қанаты талатын ұлан-ғайыр қазақ даласын ақ найзаның ұшымен, ақ білектің күшімен қорғай отырып, бізге аманат ретінде қалдырды.

Сондықтан бабаларымыздың аманатын Тәуелсіздігіміздің маңыздылығын жас ұрпаққа түсіндіріп, оны көздің қарашығындай қорғауға міндеттіміз.

Қазақстан Республикасы Ұлттық ұлан сарбаздарына зор денсаулық, бақыт, бейбітшілік және елге қызметте табыстар тілеймін!

Ізгі ниетпен, Шиелі ауданының әкімі Нұржан Сәбитұлы Ахатов