ШЫРША ШАМЫ ЖАҒЫЛДЫ

Орталық алаңға жиналған аудан тұрғындары мен қонақтары бүгін жаңа жылдық шырша шамын жағу рәсімін тамашалады.

Салтанатты рәсімде аудан әкімі Нұржан Ахатов құттықтау сөз алып, ауданның өткен жылдағы толағай табыстарымен бөлісіп, аудан халқын санаулы күндерден кейін келетін Жаңа жыл мерекесімен құттықтады.

Салтанатты шараға қатысқан көпшілік қауымға аудан өнерпаздары мерекелік көңіл-күй сыйлап, әсем әуенге бөледі. Шырша шамын жағуымен бірге тұрғындар мерекелік отшашудың куәсі болды.