Аудан әкімі Нұржан Ахатов, аудандық мәслихат төрағасы ­Айтбай ­Жандарбеков денсаулық саласының қызметкерлерімен кездесу өткізді.
Жиын барысында аудан әкімі көптеген жылдар бойы Шиелі аудандық көпбейінді орталық ауруханасы бас дәрігері қызметін атқарған Нұрлан Әмірұлының облыстық фтизиопульмонология орталығы бас дәрігері лауазымына тағайындалғанына қуанышты екендігін айтты.

Сондай-ақ жаңадан тағайындалған аудандық көпбейінді орталық ауруханасы бас дәрігері Алмас Әбдіғаппарұлына сәттілік тілеп, ауданның медицина саласына біршама қолдаулар көрсетіліп жатқандығын тілге тиек етті. Сол қолдаулардың өтеуі ретінде дәрігер қауым науқастарға сапалы қызмет көрсетіп, әрбірінің көңілін табуға тырысу керектігін жеткізді.