ШИЕЛІ КЕНТІ ОРТАЛЫҒЫНДА АБАТТАНДЫРУ ЖҰМЫСТАРЫ ҚАРҚЫНДЫ ЖҮРГІЗІЛУДЕ

Шиелі ауданы бойынша 2023 жылдың 4 сәуірінен бүгінгі күнге дейін санитарлық тазалық жұмыстарына барлығы 1515 адам, 67 бірлік техника тартылып, 217 тоннадан астам қоқыстар шығарылыпты.
Шиелі кенті бойынша қоқыстарды тастауға 120 дана, аудан бойынша құрамында сынабы бар шамдарды жинауға арналған 100 дана контейнер қойылған.

Шиелі кентіндегі және елді мекендердегі жол белгілері, электр бағаналары, жаяу жүргіншілер жолындағы бордюрлер және түнгі жарық шамдарының бағаналары сырланып, әктелді.

Көркейту-көгалдандыру жұмыстары бойынша 44 345 дана көшеттер отырғызылды. (Шиелі кентін бойынша 19 440 дана)

Оларды суару үшін, Шиелі кентінде 4 жерден ұңғыма қазылып, 10 тонналық 5 цистерна қойылды.

Сонымен қатар, «Үлгілі аудан орталығы» және «Үлгілі ауыл» номинацияларына қатысу үшін ауылдарда бірқатар жұмыстар атқарылды.

Комиссия қарауына «Үлгілі аудан орталығы» номинациясы бойынша Шиелі кентін, «Үлгілі ауыл» номинациясы бойынша 1-ші орынға Байсын, 2-ші орынға Ақмая, 3-ші орынға Бәйтерек ауылдарын облыстық комиссияға жолдауды жөн көруде.