Кадрлық өзгерістерге байланысты жиын өтті
Бүгін аудан әкімі Нұржан Ахатовтың төрағалығымен кадрлық өзгерістерге байланысты жиын өтті.
Жиынға облыстық білім басқармасының басшысы Мейрамбек Шермағанбет, кент пен ауылдық округ әкімдері, ардагерлер кеңесінің төрағасы Өркен Исмаил, білім саласының ардагерлері дербес бөлім басшылары, мектеп, балабақша басшылары қатысып, Қызылорда облыстық білім басқармасы басшысының 2023 жылғы 12 сәуір №33-ЖҚ бұйрығымен "Шиелі ауданы бойынша білім бөлімі" КММ басшысы болып Баймұратова Жібек Орынбайқызы тағайындалды.
Өз кезегінде жиынға қатысушы ардагерлер сала басшысын қызметімен құттықтап, алдағы істеріне табыс тіледі. Сондай-ақ, ұлт болашағын қалыптастыратын жауапты да, жауапкершілігі мол білім саласына үлкен өзгерістер әкеледі деген сенім білдірді.
