Бейсенбіде аудан әкімі Нұржан Ахатов «Тең қоғам» орталығына барып, ерекше жандардың көкейінде жүрген мәселелерін тыңдады.
Кездесуде медицина, жұмыспен қамту, кәсіпкерлік, тұрғын үй, электр жарығы, құқық қорғау, спорт саласы бойынша 20-дан астам азаматтың өтініш-тілегі тыңдалды. Аудан басшысы азаматтардың мәселелері бойынша тиісті сала басшыларына тапсырма беріп, дер кезінде шешімін ұсыну керегін ескертті. Сондай-ақ жиынға қатысушыларға мемлекет тарапынан кәсіпкерлікті қолдауға берілетін қайтарымсыз гранттар мен төмен пайызды несиелерге қол жеткізу жолдары түсіндірілді.

Кездесу соңында жиыл­ғандар «Тең қоғам» орталығының қызметкерлерінің жүйелі жұмысына алғыс білдіріп, орталыққа арнайы келген аудан басшысына рахметтерін айтты.