АУДАН ӘКІМІ ТҰРҒЫНДАРДЫ ҚАБЫЛДАДЫ
Бүгінгі күннің басты талабы – билік бұқараға жақын болуы керек. Мемлекеттік қызметшілер алдына келген тұрғынның мәселесін шешіп беруге ұмтылуы тиіс. Бұған қоса, елді мекендерді аралап, халықтың жай-күйіне көңіл бөліп, оларды толғандырған сұрақтарына жауап беріп, мұң-мұқтажын тыңдауы тиіс. Бүгінгі күні аудан әкімі Нұржан Ахатов аталған жайттарды басшылыққа ала отырып, бекітілген кестеге сәйкес тұрғындармен кездесу өткізіп, оларды жеке мәселелерімен қабылдады. Көкейде жүрген мәселелерін тыңдады.Қабылдауға келген азаматтардың басым бөлігі әлеуметтік көмек сұрап, денсаулық сақтау саласына, тұрғын үй мәселесіне, қоғамдық көліктердің белгіленген бағытын өзгертуге қатысты сауалдар көтерді.
Жұмыспен қамту мәселесі бойынша келген азаматтарға брінеше бос жұмыс орындары ұсынылып, білімінің сәйкестілігіне қарай жолдама берілетін болды. Ал тұрғын үй кезегіне қатысты сауалмен келген азаматтарға аудан әкімі тұрғын үй беру заң аясында кезек тәртібімен берілетінін баса айтты. Сондай-ақ, әлеуметтік мәселелерге қатысты жауапты сала басшыларына тапсырма жүктеді.
Қабылдау соңында аудан әкімі Нұржан Ахатов тұрғындар тарапынан қойылған сұрақтардың шешімін жан-жақты қарап, кейбір мәселелерді әкім аппаратының жауапты қызметкерлері мен аудандағы мекеме басшыларының құзырына белгіленген уақыт мерзімінде орындауды қадап тапсырды.
