Бүгін Шиелі ауданының әкімі Нұржан Ахатов «Тең қоғам» орталығына барып, ерекше жандардың көкейінде жүрген мәселелерін тыңдады.

Жиын барысында ерекше жандар өздерін толғандырып жүрген сауалдарын қойып, аудан әкімі жауапты бөлім басшыларымен бірге күрмеуі қиын мәселелердің шешу жолын қарастырды.

Атап айтқанда, кездесуде медицина, жұмыспен қамту, кәсіпкерлік, тұрғын үй, электр жарығы, құқық қорғау, спорт саласы бойынша 20-дан астам азаматтың мәселесі қаралып, мемлекет тарапынан кәсіпкерлікті қолдауға берілетін қайтарымсыз гранттар мен несиелерге қол жеткізу жолдары түсіндірілді.

Кездесу соңында жиылғандар «Тең қоғам» орталығының қызметкерлерінің жүйелі жұмысына алғыс білдіріп, орталыққа арнайы келген аудан басшысына рақметтерін айтты.

Шиелі ауданы әкімдігінің баспасөз қызметі