Мемлекет басшысы бүгінгі жолдауында білім саласына ерекше тоқталды. Оның ішінде қазір 6 жасқа дейінгі балалардың тек жартысы ғана балабақшаға баратынын айтып, олай болмау керектігін жеткізді. Сондай-ақ "Тәрбиешілердің әлеуметтік мәртебесін көтеріп, жалақысын арттыру керек", "Балабақшаны емес, тәрбиешілерді аттестациядан өткізу қажет" деген тапсырмалар берді. Одан бөлек студенттерді жатақханамен қамту, білім сапасын арттыру секілді мәселелер айтылды.