Өскен өңір Osken-onir.kz ақпараттық агенттігі
» » Аудандағы 4 блокбекет өз жұмысын аяқтады

Аудандағы 4 блокбекет өз жұмысын аяқтады

Бүгін жергілікті уақытпен түнгі сағат 00:00-ден бастап Шиелі ауданындағы: Көкшоқы мөлтек ауданы, Шымкент-Самара тас жолы 21 бекеттен кіре беріс жол, «Батыс Еуропа-Батыс Қытай, халықаралық дәлізінен Н.Бекежанов ауылына кіре беріс жол, Ақ Орда мөлтек ауданы қиылысынан кент ішіне кірер жолдарына қойылған блокбекеттер алынды.

Елдегі орын алған төтенше жағдайға байланысты орнатылған бұл блокбекеттерде құқық қорғау органдары қызметкерлері 10 күннен астам уақыт бойы, күн-түн демей қалтқысыз қызмет атқарды. Олардың жанкешті іс-қимылдарының арқасында ауданда тәртіп пен тыныштық сақталып, тұрғындардың ұйқысы тыныш болды. Сондықтан, барлық құқық қорғау органдары қызметкерлеріне ерекше алғысымызды білдіріп, жұмыстарына тек сәттілік тілейміз. Елімізде әрқашан бейбітшілік пен игілік болсын!

Фотосуретте: түнгі уақытта блокбекеттерде кезекшілік атқарған Шиелі аудандық полиция бөлімінің қызметкерлері


"Өскен өңір" ақпарат
19 қаңтар 2022 ж. 1 293 0